janet@靖嵐's profileJanet@靖嵐PhotosBlogListsMore  |  Tools Help |
|
|
August 02 小女兒笑話 (2-3歲篇)31. 火農...
本來lunch想煮麥皮比靖嵐食, 但係唔小心煲 火農 o左......
靖嵐:"乜唔係食麥皮咩?" 媽媽:"本來就係, 但係我小心煲 火農 o左, 對唔住呀" 靖嵐:"唔緊要, 冇辦法啦我唯有食咖哩烏冬(我臨急整)" 媽媽:"咁好好食呀?" 靖嵐:"唔好, 咖哩飯好食d" 媽媽:"咁下次整返咖哩飯比你食囉" 靖嵐:"唔......不如下次煲 火農 d咖哩烏冬就得啦, 唔好煲 火農 d麥皮" .... 嗚嗚嗚.... 洗都有排洗呀, 叫我唔好再煲 火農 o野就得啦... 嗚嗚嗚....
32. 升降機都識唔乖?!
我座樓每層都有兩部升降機....
靖嵐:"呀今次邊部lift曳呢?" 媽媽:"咩d lift 曳呀?? 點叫曳呀?" 靖嵐:"好o野, 今次依部冇曳"(剛剛到, 入lift) 隔o左第二日.... 靖嵐:"媽媽, 你今日kam依邊個制呀?" 媽媽:"係呀, kam邊個都冇所謂啦" 靖嵐:"咁如果kam依邊個制依邊唔開, 佢就曳囉, 如果開就乖囉. 哎呀~~ o個邊上喇, 慘喇, 今次曳喇.... 唔係喎, 依邊又到喇, 好o野, 真係冇曳呀" ... 原來靖嵐鍾意按左邊制開左邊升降機, 右邊就開右邊... 都唔知佢個腦諗咩.....
33. 想像遊戲...
今日天氣好凍(10'C), 媽媽同靖嵐都睡得好晏, 大家正在被窩懶床傾計.....
靖嵐:"不如我o地玩扮o野呀." 媽媽:"好呀, 扮乜?" 靖嵐:"喇...你訓好先, 我o地依家訓o係雪地度, 嘩~ 好舒服呀~" ......一路扮一路心都寒埋.........但未完..... 媽媽:"um....真係好...舒....服喎....." 靖嵐:"係呀, 你訓好啦, 我去買杯雪榚比你食, 你要咩味?" 媽媽:"唔食得唔得?" ........真係凍鬼死..... 34. 環保新概念....
靖嵐:"男孩子, 女黃罐, 啡膠樽" 靖嵐:"點解d廢紙要比男仔o既?"
.... 藍廢紙, 黃鋁罐, 啡膠樽呀..
35. 計劃將來... 靖嵐指住媽媽和爸爸的結婚相.... 靖嵐:"爸爸同媽媽結婚呀?" 媽媽:"係呀" 靖嵐:"咁你o地下次結婚帶埋我去得唔得?" (通常d細路仔問點解唔帶佢, 但...) 媽媽:"呀....下次唔會結婚, 結一次就夠" 靖嵐:"哦...... 原來係咁, 我第時結婚你o地記得黎" 媽媽:"你大個o個時結婚我o地實會黎" 靖嵐:"好呀....仲要記住帶埋公公婆婆爺爺 女麻 女麻呀" ......你到時唔叫我我打死你!!!...... 小女兒笑話 (2-3歲篇)26. 咖哩飯....
靖嵐好鍾意食日式兒童咖哩飯, 今日我翻熱時唔小心倒瀉哂仲打爛埋佢心愛o既碗.....靖嵐見到....
靖嵐:"哎呀~ 點解倒瀉哂o架? 唔好呀唔好呀, 唔好倒哂我d咖哩呀, 點解要回收呀, 唔好回收落d樽樽度呀, 做埋打爛我隻碗呀, 點解呀, 我好傷心呀, 冇咖哩飯食喇, d咖哩做乜要回收呀, 唔好倒哂佢呀, 嗚...." .... 雖然有d亂講, 但睇得出佢係好傷心... 27. 結婚...
靖嵐:"媽媽, 我要同呀pooh結婚"
媽媽:"o下? 點解呀?" 靖嵐:"係呀, 因為我晚晚都同佢一齊訓" .... 又幾有道理喎....
28. 神經錯亂....
婆婆:"靖嵐, 你幾時得閒同我去睇燈飾呀?" 靖嵐:"好呀, 三點啦" 婆婆:"咁幾時三點呀?" 靖嵐:"唔...... 呀婆婆呀, 不如我唔同你睇燈飾, 夜晚去尖沙咀睇炎蛇呀(四腳蛇)" ... 都唔知佢個腦諗咩...
29. 藉口...
出街食飯, 有時叫o左d新菜色... 媽媽叫靖嵐試....
靖嵐:"嘩~ 真係好好食咁喎, 不過我夠喇, 飽喇" (但又繼續係咁食佢自己食開碗飯/麵) 30. 聖誕老人的名字...
靖嵐:"媽媽, 聖誕老人係唔係叫李珍好呀?"
媽媽:"o下? 個名你同聖誕老人改o架?" 靖嵐:"唔係呀, 楊老師教隻歌嘛"(playgroup裏的老師) 原來首聖誕歌係...... "聖誕老人您真好, 雪白鬍子穿紅袍, 送我禮物已收到." ...............您真好!~ (這個時候約兩歲半了) August 01 小女兒笑話 (2-3歲篇)21. 餅乾...
記得歲幾時, 媽媽話咬佢patpat, 佢會話坐住o左唔咬得, 依家佢又有新答案.........
媽媽:"我想咬你個patpat呀, 得唔得?" 靖嵐:"唔得, 我個patpat唔係餅黎o架" 媽媽:"o下?! 但係我真係好肚餓喎" 靖嵐:"好啦, 咁我"meet"個鼻鼻餅比你食啦"(但佢係"meet"緊媽媽個鼻) 靖嵐:"快d襯熱食, 凍o左唔好食...唔駛心急, 食完一啖再一啖...小心d唔好啃親" ....... 靖嵐"meet"我個鼻出黎, 佢仲會幫我貼返上去先收工..... 22. 南貨舖內的新貨....
媽媽同靖嵐一齊去買 食送.....
靖嵐:"快d返屋企啦, d o野溶喇" 媽媽:"o下? 都冇買凍o野" 靖嵐:"唔係呀, d雪耳要放入雪櫃o架, 唔係溶哂" 23. 廣告王...
搭火車時......
靖嵐:"媽媽, 點解o個個叔叔要帶口罩o既?" 媽媽:"你話呢?" 靖嵐:"如果唔舒服, 就要睇醫生, 仲要帶埋口罩, 依d係禮貌黎o架嘛...." .....個廣告真係一隻字不漏背出黎.... 24. 守財奴...
靖嵐成日都扮有錢o係褲袋....
婆婆:"靖嵐, 你今日有冇帶錢?" 靖嵐:"有呀"(其實冇) 婆婆:"咁袋o係邊呀? 有幾多錢呀?" 靖嵐:"有3千蚊袋o係褲袋囉" 婆婆:"咁比d錢我得唔得?" 靖嵐:"好呀~~"(扮"暗"錢) 靖嵐:"哎呀~ cake住o左添, 冇辦法啦, 比唔到lu" 婆婆:"................"
25. 激心...
今日去超級市場臨收舖熄o左一半燈催人走... 靖嵐:"爸爸, 唔好周圍走喇, 快d啦" 爸爸:"得喇" 靖嵐:"唉~ 我唔係鬧爸爸呀, 不過我唔會再理佢, 激死人喇" July 31 小女兒笑話 (2-3歲篇)16. 返工....
17. 禮物...
18.糖水朋友...
19. 作弄媽媽 1...
20. 作弄媽媽 2.... 小女兒笑話 (2-3歲篇)11. 爸爸真幸福~
話說昨日和住對面的叔叔一起搭電梯回家.....出電梯後... 靖嵐:"咦?! 叔叔住依度o既?" 媽媽:"係呀, 你唔記得咩, 你次次搵bibi(對面屋隻狗)都見到叔叔o架啦" 靖嵐:"係喎" 媽媽:"梗係啦, 叔叔養bibi梗係一齊住啦" 靖嵐:"哎呀~ 我同爸爸一齊住, 我養爸爸呀, 好o野~" 媽媽:"唔係呀, 係爸爸養你" 靖嵐:"唔係呀, 唔係呀, 我真係同爸爸一齊住o架" .... 希望你大個女都會照顧我o地...
12. 喜劇之王2....
今晚想去元x壽司食晚餐, 當然好多人要拿飛仔等叫號碼啦....
靖嵐一直都拿住張飛仔"耐心"咁等候....... 靖嵐:"媽媽, 我好想食壽司o架, 等啦" 媽媽:"咁依家咪o係度等緊囉" 靖嵐:"係呀, 壽司好好味o架" 等得一陣, 靖嵐行左行右......... 媽媽:"咦?! 你張飛仔呢?" (唔覺意放o左o係婆婆度) 靖嵐:"呀~~ 慘喇...." 媽媽:"咁點算呀, 快d搵啦" 靖嵐:"冇呀, 真係冇呀, 車車度都冇" 媽媽:"冇就走喇" 靖嵐:"好呀, 我唔鍾意食壽司o架, 去食飯啦" 媽媽:"真係去食飯? 如果搵返張飛都去食飯" 靖嵐:"係呀, 走喇" 此時婆婆遞返張飛比佢, 我o地拉佢走...... 靖嵐:"唔好走呀....嗚嗚嗚(扮喊), 我好鍾意食壽司o架" 媽媽:"但係你話搵返張飛都走喎, 你唔鍾意食壽司嘛" 靖嵐:"我真係好想食o架, 嗚嗚嗚(bit埋眼淚出黎)" 媽媽:"你係唔係扮喊呀?" 靖嵐:"係呀, 我好鍾意食壽司o架, 等啦" 其實當佢一路扮喊時, 佢一路就望住商場塊境好enjoy咁睇自己做戲, 真係激死... 13. 獨自尋歡...
昨日靖嵐返暫託(託兒所), 送佢返學時佢唔係咁開心, 到接佢放學時我問佢....
媽媽:"今日返學開唔開心呀?" 靖嵐:"開心, 我dum低媽媽自己返學玩呀" 媽媽:"o下?! 你dum低我, 我唔開心呀" 靖嵐:"唔好唔開心啦, 我下次返學你開心d" 14. 危險的乳酪...
前幾日媽媽餵靖嵐食乳酪, 食o左幾啖之後......
靖嵐:"唔得呀, 唔食得o架" 媽媽:"點解呀? 唔好味咩?" 靖嵐:"好味, 不過有危險" 媽媽:"o下??! 有咩危險呀"(我即刻再試一啖睇o下有冇變味) 媽媽:"冇事喎, 好好味呀" 靖嵐:"真係有危險呀, 媽媽你食啦...." 媽媽:"食啦, 唔係我下次唔買乳酪喇, 我試過好好味, 冇事, 咁你係唔係飽?" 靖嵐:"唔係飽"(繼續食) 靖嵐:"呀~~~~~ 唔係危險呀, 係有皮呀" 媽媽:"係呀, 車厘子乳酪係有車厘子皮啦, 食過好多次啦" 靖嵐:"哦"(已經食完) 15. 你今日聽o左話未呀?
今晚婆婆幫靖嵐沖涼.... 婆婆:"你聽唔聽我話o架?" 靖嵐:"唔聽呀" 婆婆:"點解呀? 你唔聽我話我唔開心呀" 靖嵐:"今晚我唔想聽你話, 聽日先聽話啦" 婆婆:"唔好啦, 我唔幫你沖涼o架" 靖嵐:"咁好啦, 有機會先聽啦" 成家人:"o下~~~ 有機會??" 靖嵐:"係呀, 可能有機會先啦" |
|
|||
|
|
